ريل · 1 طلب

بوت Telegram بـ Claude Code

الخطوات + الطلب الجاهز

من ريل التلات 13 أكتوبر · تابع الريلز على انستجرام

قبل ما تبدأ

• Claude Code متسطّب عندك (شوف ملف «Claude Code للمبتدئين»).
• Python متسطّب (Claude Code ممكن يساعدك تسطّبه).
• حساب Telegram.

1 · خد الـ token

1. في Telegram دوّر على @BotFather (اتأكد إن عليه العلامة الزرقا).
2. ابعتله /newbot.
3. اكتب اسم للبوت، وبعده username لازم يخلص بـ bot.
4. هيبعتلك token. ده زي الباسوورد بتاع البوت.

الـ token محدش يشوفه. متحطوش في فيديو ولا تبعته لحد. لو اتسرّب، ابعت /revoke لـ BotFather.

2 · اطلب من Claude Code

اعمل فولدر جديد اسمه my-bot، افتح Claude Code جوّاه، والصق:

اعمللي بوت Telegram بسيط بـ Python.
البوت بيجاوب على الأسئلة دي:
- [سؤال 1] ← [الإجابة]
- [سؤال 2] ← [الإجابة]
- [سؤال 3] ← [الإجابة]
لو حد سأل حاجة مش في الليستة، يرد: «سؤالك وصل، هرد عليك قريب».
حط الـ token في ملف .env لوحده، ومتكتبوش في الكود.
اعمل ملف .gitignore فيه .env.
وفي الآخر قولّي خطوة بخطوة أشغّل البوت إزاي.

3 · شغّله

1. افتح ملف .env والصق الـ token بإيدك.
2. شغّل الأمر اللي Claude Code قالك عليه.
3. افتح البوت في Telegram وابعتله /start.

البوت شغال طول ما جهازك مفتوح والأمر شغال. تشغيله 24 ساعة على سيرفر ده خطوة تانية هنعملها بعدين.

الطلبات دي نقطة بداية. راجع أي نتيجة قبل ما تستخدمها، ومتحطش بيانات حساسة في أي أداة AI.