ريل · 7 طلب جاهز
أول 7 أيام مع الـ AI
كل يوم مهمة واحدة · 15 دقيقة في اليوم
من ريل الجمعة 9 أكتوبر · تابع الريلز على انستجرام
خد أداة واحدة بس (Claude أو ChatGPT أو Gemini) وامشي على الخطة دي. كل يوم انسخ الطلب وغيّر اللي بين الأقواس.
اليوم 1 · اتعرّف عليه
اليوم 1
أنا لسه بادئ في الـ AI. شغلي [اكتب شغلك أو دراستك]. اقترحلي 5 حاجات تقدر تساعدني فيها الأسبوع ده، مرتبة من الأسهل للأصعب.اليوم 2 · إيميل أو رسالة
اليوم 2
اكتبلي رسالة لـ [مين] عشان [الهدف]. الأسلوب: محترم ومباشر. خليها أقل من 80 كلمة. وادّيني نسختين مختلفتين.اليوم 3 · ملخص
اليوم 3
لخّصلي الكلام ده في 5 نقط، وبعدها قولّي إيه المطلوب مني أعمله:
[الصق المقال أو الملف]اليوم 4 · خطة يومك
اليوم 4
دي الحاجات اللي عايز أخلّصها النهاردة: [اكتبها]. عندي [كام] ساعة. رتّبهالي في جدول بالوقت، وقولّي أبدأ بإيه وليه.اليوم 5 · اتعلم حاجة
اليوم 5
اشرحلي [موضوع عايز تفهمه] كأني لسه بادئ خالص. استخدم مثال من الحياة اليومية، وفي الآخر اسألني 3 أسئلة عشان تتأكد إني فهمت.اليوم 6 · ابني حاجة
اليوم 6
اعمللي صفحة بسيطة فيها checklist لـ [حاجة بتعملها كل يوم] أقدر أعلّم عليها.اليوم 7 · راجع
اليوم 7
أنا استخدمتك الأسبوع ده في: [اكتب اللي عملته]. قولّي إيه أكتر حاجة وفّرت وقت، واقترحلي 3 حاجات أعملها الأسبوع الجاي.لما الإجابة متعجبكش: متقفلش الشات. قوله بالظبط إيه اللي ناقص أو اللي مش عاجبك.
الطلبات دي نقطة بداية. راجع أي نتيجة قبل ما تستخدمها، ومتحطش بيانات حساسة في أي أداة AI.